У сталіцы Эстоніі Таліне прайшоў чатырохдзённы Кангрэс новай дыяспары, як назвалі яго арганізатары, у якім узялі ўдзел каля 20 маладых актывістаў з ЗША, Францыі, Нямеччыны, Швэцыі, Польшчы, Летувы, Эстоніі, а таксама зь Беларусі.

Удзельнікі дамовіліся аб накірунках супольнай дзейнасьці для таго, каб прадстаўляць беларускую культуру і беларускія нацыянальныя інтарэсы за мяжой. Неўзабаве зьявіцца сайт Кангрэсу.

У ліку арганізатараў, апрача беларускіх моладзевых арганізацыяў - эстонская "Новы шлях для Беларусі", Эстонскі інстытут зьнешняй палітыкі, група "За вольную Беларусь" эстонскага парлямэнту.

Удзельнікі Кангрэсу таксама сустракаліся зь віцэ-спікерам эстонскага парлямэнту Крысцінай Оюланд і міністрам замежных спраў Урмасам Паэтам.

Маладзёвых актывістаў уганараваў сваёй прысутнасьцю таксама старшыня Кансэрватыўна-Хрысьціянскай партыі БНФ Зянон Пазьняк.