Насьценны перакідны каляндар "БНР: 1918-2008" складаецца з 12 бачынаў. Укладальнікі календара - дасьледчыкі беларускай эміграцыі Алег і Натальля Гардзіенкі - вырашылі зьмясьціць у яго партрэты ўсіх старшыняў Рады (Янкі Серады, Язэпа Лёсіка, Пятра Крэчаўскага, Васіля Захаркі, Міколы Абрамчыка, Вінцэнта Жук-Грышкевіча, Язэпа Сажыча, Iвонкі Сурвіллы) і чатырох старшыняў Ўраду, што дзейнічаў у Беларусі: Язэпа Варонкі, Антона Луцкевіча, Рамана Скірмунта, Вацлава Ластоўскага.

Прыводзіцца таксама прынагодны дакумэнт: напр. Трэцяя Ўстаўная Грамата, каляндар на канкрэтны месяц. З адваротнага боку - біяграма гэтага дзеяча, а таксама каляндар на 1918 год. Зьмешчаны прадмовы Янкі Запрудніка і Сяргея Навумчыка.

Каляндар выйшаў дзякуючы дапамозе Рады БНР і Згуртаваньня беларусаў сьвету "Бацькаўшчына".

Замовіць каляндар, які выдадзены фарматам А4, можна праз сайт www.knihi.net.